Фінансавая міліцыя раскрыла схему крадзяжу каўстычнай соды на віцебскім мясакамбінаце.
Устаноўлена, што загадчыца склада, два таваразнаўцы аддзела матэрыяльна-тэхнічнага забеспячэння і кіроўца прадпрыемства са студзеня 2018 года па май 2019 года выкрадалі каўстычную грануляваную соду, якая пастаўлялася на прадпрыемства.
Каб стварыць лішкі соды для яе продажу, соду выдавалі са склада ў меншай колькасці, чым прадугледжвалася нормамі. «Зэканомленая» сода назапашвалася на складзе, пры гэтым складаліся заяўкі на яе закупку. Аднак пасля набыцця соду дастаўлялі транспартам мясакамбіната не на склад прадпрыемства, а ў сталічную камерцыйную структуру, якой прадавалі тавар за гатоўку.
Па гэтай схеме было выкрадзена 10 тон соды на суму больш за 25 тысяч рублёў.
Завялі крымінальную справу.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала17
Каментары