Заявіў начальнік УУС Мінаблвыканкама Іван Саўчыц і дадаў, што ў 2008 г. праграма «Мінус 100» па вобласці не выканана.
У 2008 годзе на дарогах Мінскай вобласці загінулі 460 чалавек, што некалькі больш, чым у 2007 годзе. Гэта практычна траціна агульнай колькасці па краіне.Раненні атрымалі 1.614 чалавек. Такія звесткі прывёў на прэс‑канферэнцыі ў Мінску 11 лютага начальнік УУС Мінаблвыканкама Іван Саўчыц.
З пачатку 2009 года ў рэгіёне ахвярамі ДТЗ сталі 33 чалавекі.
Паводле інфармацыі УУС, усяго ў Мінскай вобласці летась зарэгістравана 1.549 дарожна‑транспартных здарэнняў, з якіх 178 — па віне нецвярозых вадзіцеляў. Асноўнымі відамі ДТЗ з’яўляюцца наезды на пешаходаў (33%), перакульванні (18%), лабавыя сутыкненні (11%).
Як паведаміў І.Саўчыц, нягледзячы на жорсткія меры адміністрацыйнага ўздзеяння, што прымяняюцца ў дачыненні да грамадзян, якія кіруюць транспартнымі сродкамі ў стане алкагольнага ап’янення, у 2008 годзе затрымана 10.015 нецвярозых вадзіцеляў. З іх 81,5% — жыхары Мінскай вобласці. Паўторна на працягу года за такое правапарушэнне затрыманы 960 чалавек, яны прыцягнуты да крымінальнай адказнасці. З органаў унутраных спраў і дзяржорганаў за кіраванне аўтатранспартам у п’яным выглядзе звольнены некалькі супрацоўнікаў міліцыі і службовых асоб абласных структур.
І.Саўчыц лічыць, што сітуацыю можна змяніць у тым ліку пасля ўвядзення канфіскацыі аўтамабіляў у тых грамадзян, хто паўторна на працягу года сеў п’яным за руль.
Прызнаючы, што выканаць у 2008 годзе праграму «Мінус 100» у вобласці не ўдалося, начальнік УУС разам з тым заўважыў: «Гэта не міліцыя не выканала — гэта ўся краіна не выканала».
Кажучы пра тэхнічны складнік арганізацыі дарожнай бяспекі, І.Саўчыц паведаміў, што летась завершана ўстаноўка сучаснага загароджвання тросавага тыпу на аварыйна небяспечных участках дарог Слабада — Навасады і Мінск — Мікашэвічы. Гэта зроблена для папярэджання лабавых сутыкненняў транспартных сродкаў.
За нездавальняючае ўтрыманне і рамонт вулічна‑дарожнай сеткі да адміністрацыйнай адказнасці прыцягнуты 170 службовых асоб дарожна‑эксплуатацыйных і камунальных службаў.
Каментары