У Парыжы ў нядзелю, 29 верасня, адбываецца цырымонія развітання з былым прэзідэнтам Францыі Жакам Шыракам, паведамляе «Еўрапейская праўда» са спасылкай на RFi.
Труну з целам Жака Шырака, акрытую французскім трыкалорам, выставілі ў двары Дома Інвалідаў, ля сабора Святога Людавіка. На цырымонію развітання могуць прыйсці ўсе, хто жадае. Яна пачалася а 14-й па мясцовым часе, але яшчэ за некалькі гадзін да яе пачатку ля Дома Інвалідаў утварылася вялікая чарга.
#CHIRAC Voici un petit aperçu de la file d’attente, avenue de La-Motte-Piquet. pic.twitter.com/oJPMlf3NMn
Правесці народнае развітанне пажадала сям'я Жака Шырака. Для ўсіх, хто прыйдзе ў Дом Інвалідаў, сям'я экс-прэзідэнта прыгатавала брашуры з ягонымі выказваннямі.
Раніцай 30 верасня Жаку Шыраку аддадуць воінскія ўшанаванні ў ганаровым двары Дома Інвалідаў у прысутнасці цяперашняга прэзідэнта Эманюэля Макрона.
Пазней у панядзелак цырымонія развітання пройдзе ў парыжскай царкве Сен-Сюльпіс. На ёй будуць прысутнічаць каля трыццаці кіраўнікоў дзяржаў і ўрадаў, у тым ліку прэзідэнт Расіі Уладзімір Пуцін.
Жак Шырак памёр 26 верасня ў Францыі ва ўзросце 86 гадоў. Ён быў прэзыдэнтам Францыі на працягу 12 гадоў — з 1995 па 2007 год.
Каментары