Хлопец вярнуўся з Польшчы ў Гродна праз камісію па вяртанні — крыміналку пакуль не спынілі
Следства абяцае замяніць крымінальную справу Дзяніса Дудкевіча на адміністратыўную.
25-гадовы жыхар Гродна Дзяніс Дудкевіч вярнуўся ў Беларусь з Польшчы праз так званую «камісію па вяртанні».
Хлопец, які выглядае даволі прыгнечана, даў інтэрв'ю гродзенскаму каналу і расказаў сваю гісторыю.
Ён кажа, што ў Польшчы атрымаў вышэйшую адукацыю, але працаваў на нізкакваліфікаванай працы, накшталт дастаўкі.
У 2020 годзе ўдзельнічаў у Гродне ў пратэстах.
Потым яго сталі выклікаць у міліцыю, і хлопец вырашыў не вяртацца з вучобы з Польшчы. Але час ішоў, і цяпер бацькі настаялі, каб ён напісаў у камісію па вяртанні і ехаў дадому.
«У дваццатых чыслах чэрвеня я атрымаў адказ. Гэта быў даволі строгі дакумент. Ён быў афіцыйны. Мне прыйшлося некалькі разоў яго перачытаць, каб зразумець, што страшнага тут я зараз нічога не бачу», — сказаў хлопец.
Але, як высветлілася, крымінальную справу супраць хлопца пакуль не закрылі.
Цяпер Дзяніс знаходзіцца пад падпіскай аб нявыездзе.
Паводле афіцыйнай інфармацыі, следчыя пакуль толькі плануюць спыніць крымінальную вытворчасць, але завядуць адміністрацыйную справу супраць яго.
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
-
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука
Цяпер чытаюць
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука1
Каментары
Ясназразумела. Вяртайся, хлопча, да мамкі.
Я ў 25 гадоў кідаў універы, мяняў працу адну за другой. І дзяўчын таксама) Бацькі... ну спрабавалі калі-некалі, што трэба сынку трошкі жа цярпець, а не адчыняць нагою дзвер і кідаць на стол манагера заяву. Я чэсна выслухаў бацькоў. Але рабіў уся-роўна як хацеў.
І ні пра што не шкадую!