Фанаты «Суонсі» апаганілі памяць Эміліяна Салы, надрукаваўшы плакаты ў выглядзе пасадачных талонаў на яго імя ФОТАФАКТ
Заўзятары «Суонсі» падрыхтаваліся да дэрбі Паўднёвага Уэльса з «Кардыфам» у чэмпіёншыпе (другі дывізіён чэмпіянату Англіі).
Фанаты «лебедзяў» надрукавалі плакаты ў выглядзе пасадачных талонаў на імя Эміліяна Салы — форварда «Нанта», чый самалёт упаў у Ла-Манш падчас пералёту ў Кардыф у студзені.
На плакатах указаны нумар рэйса — скажонае слова dead (мёртвы) і прозвішча камандзіра карабля, адсылае да смерці Майкі Дая — заўзятара «Кардыфа», які быў забіты ў 2011 годзе.
«Суонсі» асудзіў фанатаў і выступіў з заявай.
«Гэта ганебная выява, якая ні ў якім разе не прадстаўляе наш клуб і заўзятараў. Тыя, хто будзе дэманстраваць гэтыя плакаты або будзе непрыстойна паводзіць сябе, будуць прыцягнутыя да крымінальнай адказнасці.
Клуб рашуча падтрымае паліцыю Паўднёвага Уэльса у навядзенні грамадскага парадку або пераследзе злачынстваў на глебе нянавісці, звязаных з гэтымі выявамі і любымі звязанымі з імі інцыдэнтамі падчас нядзельнага матчу на «Лібэрці Стэдыум», - адзначыў клуб.
Аргенцінец павінен быў перайсці ў «Кардыф» з «Нанта» ў студзені гэтага года. Падчас пералёту з Францыі ва Уэльс ён загінуў у выніку авіякатастрофы. Пазней яго цела было знойдзена, паведамляе Sports.ru.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк38
Каментары