Галалёдзіца закавала вуліцы Мінска. Рэзкая змена надвор'я адбылася ў беларускай сталіцы ў другой палове. Дарожныя службы аператыўна адрэагавалі на паніжэнне тэмпературы і ўжо праводзяць процігалалёдную апрацоўку праезнай часткі і пешаходных сувязяў, паведаміў карэспандэнту агенцтва «Мінск-Навіны» намеснік старшыні Мінгарвыканкама Аляксандр Дараховіч.
Ён удакладніў, што працы праводзяць паэтапна. У першую чаргу апрацоўваюць магістральныя вуліцы. Каб пакрыцці сталі бяспечнымі паўсюдна, спатрэбіцца некаторы час.
— Мы просім гараджан па магчымасці ўстрымацца ад паездак на асабістым транспарце, а калі ўсё ж трэба кудысьці ехаць — быць вельмі асцярожнымі за рулём. Таксама заклікаем аўтамабілістаў паставіцца з разуменнем да процігалалёднай апрацоўкі і не перашкаджаць рабоце спецтэхнікі, — дадаў Дараховіч.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары