абноўлена
У горадзе Прэшаве на паўночным усходзе Славакіі ў 12-павярховым доме адбыўся выбух газу з наступным узгараннем. Існуе пагроза абвалу будынка, паведамляе чэшскае выданне Irozhlas.
«Радыё Славакія» паведамляе пра 5 загінулых і 40 параненых.
FLASH NEWS (Update): Five people died and 40 heve been injured following a gas explosion in a 12-storey block of flats in Prešov, eastern #Slovakia. Rescue services are on the scene. Mayor of #Prešov has declared a state of emergency.(photo:TASR) pic.twitter.com/3wL5bewKWM
Інцыдэнт здарыўся сёння каля 12.15 па мясцовым часе. Выбух адбыўся паміж 9-м і 12-м паверхамі дома. Жыхары ніжніх паверхаў змаглі пакінуць будынак, аднак некалькі чалавек апынуліся ў пастцы ў кватэрах над месцам выбуху. Будынак знаходзіцца пад пагрозай разбурэння.
Па словах відавочцаў, выбух быў такой сілы, што ў суседніх дамах павыляталі шыбы.
Славацкая паліцыя паведаміла, што, па меншай меры, адзін чалавек загінуў, упаўшы з балкона. Колькасць параненых не называецца. Паліцыянты папрасілі мінакоў не набліжацца да дома, паколькі могуць адбыцца паўторныя выбухі. На месцы працуюць пажарныя.
У горадзе абвешчана надзвычайнае становішча.
Паводле мясцовых СМІ, прычынай выбуху магла стаць няспраўнасць кацельнай дома.
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары