Беларуская чыгунка з 00.00 8 снежня ўводзіць новы графік руху цягнікоў, паведамляе БелТА.
У міжнародных зносінах прызначаны цягнік №26/25 Гродна-Мінск-Масква. З перыядычнасцю раз у чатыры дні будуць курсіраваць цягнікі №250/249 Гродна-Санкт-Пецярбург-Гродна. Арганізавана штодзённае курсіраванне двух пар цягнікоў Гомель-Навазыбкаў уранку і ўвечары.
З 8 снежня ўводзяцца тры пары цягнікоў міжрэгіянальных ліній бізнес-класа Мінск-Віцебск. Маршруты цягнікоў рэгіянальных ліній бізнес-класа Мінск-Баранавічы з улікам попыту працягнутыя да станцыі Брэст-Цэнтральны і пераведзеныя ў катэгорыю міжрэгіянальных.
Для цягнікоў №650 Брэст-Магілёў і №96 Брэст-Масква, №308 Баранавічы-Саратаў, №318 Баранавічы-Караганды, №627 Мінск-Гродна і №658/657 Брэст-Мінск прадугледжаны прыпынак на станцыі Гарадзея. На станцыі Чырвоны Бераг будуць спыняцца цягнікі №150 Мінск-Мінеральныя Воды, №302 Мінск-Адлер і №390 Мінск-Анапа.
Таксама дадаткова прызначаныя цягнікі рэгіянальных ліній эканамкласа Магілёў-Жлобін, Рагачоў-Гомель, Рэчыца-Гомель, Гомель-Добруш.
Для цягніка рэгіянальных ліній эканамкласа №7032 Гудагай-Маладзечна-Мінск адпраўленнем са станцыі Гудагай у 5.53 прадугледжаны ўсе прыпынку на ўчастку Гудагай-Маладзечна.
Цяпер чытаюць
18‑гадовы былы палітвязень расказаў, што ён сваяк Ціханоўскай. Яго затрымалі, калі ён ехаў ваяваць за Украіну2
Каментары