Латвія запатрабавала ад Расіі не перакручваць гісторыю Другой сусветнай
Падрыхтаваная аб'яднаннем партый «Новае Адзінства» заява латвійскага сейма ўтрымлівае заклік да міжнароднай супольнасці звярнуць увагу і крытычна ацаніць намаганні расійскіх чыноўнікаў па перапісванні гісторыі Другой сусветнай вайны і апраўданні акупацыі і анексіі Латвіі.
У дакуменце падкрэсліваецца, што, змяншчаючы ролю пакта Молатава-Рыбентропа ў развязванні Другой сусветнай вайны і адмаўляючы факт акупацыі і анексіі, расійскія службовыя асобы выступаюць супраць канстытуцыйных асноў Латвіі і ўводзяць міжнародную супольнасць у зман адносна ролі Савецкага Саюза ў развязванні Другой сусветнай вайны.
У заяве адзначаецца, што 8 мая будзе адзначацца 75-годдзе з дня заканчэння Другой сусветнай вайны, якая завяршылася капітуляцыяй нацыянал-сацыялістычнай Германіі і ліквідацыяй аднаго з самых жорсткіх таталітарных рэжымаў. Аднак, у адрозненне ад краін Заходняй Еўропы, заканчэнне вайны не прывяло да вызвалення Латвіі і іншых краін Цэнтральнай і Усходняй Еўропы. Латвія была паўторна акупавана ўжо іншым таталітарным рэжымам — Савецкім Саюзам.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню61
Каментары