Бялградскі суд асудзіў 13 грамадзян Сербіі да розных тэрмінаў турэмнага зняволення за ўдзел у масавым забойстве 200 харватаў у 1991 г.
Палявы камандзір Міралюб Вуявіч і яшчэ шасцёра падсудных атрымалі па 20 гадоў турмы, астатнія асуджаныя на тэрміны ад 5 да 15 гадоў.
Але сваякі загінулых былі абураныя тым, што пяцёра з падсудных былі апраўданыя.
У 1991 г. падчас асады харвацкага горада Вукавар сербы сагналі захопленых у палон харватаў у хлеў, што знаходзіўся непадалёк у вёсцы Оўчар, разбілі на дробныя групы і расстралялі з кулямёта.
Тым, хто адразу не загінуў, рабілі дадатковы стрэл з пісталета ў галаву.
Гэта судовая справа разглядалася многімі як праверка гатоўнасці сербскай судовай сістэмы да пакарання тых, хто вінаваты ў такіх злачынствах.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый53
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары