Чарнагорыя мае намер увесці візавы рэжым для грамадзян Беларусі
У беларускае пасольства ў Сербіі 10 сакавіка
паступіла нота Міністэрства замежных спраў Чарнагорыі, у якой паведамляецца пра намер увесці з 25 сакавіка 2009 года візавы рэжым уезду для грамадзян шэрагу краін, уключаючы Беларусь.
Пра гэта паведаміў прэс-сакратар беларускага знешнепалітычнага ведамства Андрэй Папоў.
"Такое рашэнне чарнагорскі бок матывуе неабходнасцю выканання сваіх абавязацельстваў, што вынікаюць з Пагаднення аб стабілізацыі і асацыяцыі з Еўрапейскім саюзам", — удакладніў А.Папоў.
"Паводле меркавання беларускага боку, увядзенне візавага рэжыму з 25 сакавіка 2009 года супярэчыць дзейнаму пагадненню паміж урадам Рэспублікі Беларусь і саюзным урадам Саюзнай Рэспублікі Югаславія аб адмене віз ад 4 сакавіка 1999 года, — сказаў А.Папоў. — Як вядома, у дачыненні да гэтага пагаднення Чарнагорыя аформіла правапераемства. Міністэрства замежных спраў Рэспублікі Беларусь звярнулася да МЗС Чарнагорыі з прапановай правесці ў хуткім часе кансультацыі па пошуку ўзаемапрымальнага рашэння па ўрэгуляванні парадку ўзаемных паездак грамадзян".
"З мэтай стварэння максімальна спрыяльных умоў для паездак грамадзян Рэспублікі Беларусь у замежныя дзяржавы МЗС Беларусі паслядоўна выступала і выступае за спрашчэнне візавых фармальнасцей і паніжэнне кошту віз", — заявіў прэс-сакратар.
Паводле яго слоў, ураду Чарнагорыі будзе прапанавана знайсці такі варыянт вырашэння гэтай праблемы, "які б у максімальнай ступені садзейнічаў развіццю дружалюбных адносін паміж дзвюма дзяржавамі, не перашкаджаў развіццю міжасобасных, культурных, гандлёва-эканамічных і турыстычных сувязей ва ўмовах адсутнасці дыпламатычных прадстаўніцтваў і консульскіх устаноў нашых дзяржаў на тэрыторыі адна адной".
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары