Пракуратура Нідэрландаў прад'явіла абвінавачванні чатыром фігурантам справы аб катастрофе малайзійскага Boeing рэйса МН17 на ўсходзе Украіны і выклікала іх для следчых дзеянняў. Пра гэта ТАСС заявіла адвакатка аднаго з абвінавачаных Алена Куцьіна.
Куцьіна дадала, што праца групы адвакатаў будзе ажыццяўляцца згодна з усімі нормамі міжнароднага права.
Адзін або некалькі падазраваных па справе збівання МН17 хочуць далучыцца да судовага працэсу і быць прадстаўленымі ў судзе нідэрландскай юрыдычнай фірмай.
Суд над падазраванымі ў збіванні самалёта «малайзійскіх авіяліній» рэйса MH-17 расцягнецца на 25 тыдняў.
Справу будуць разглядаць трое суддзяў Акруговага суда Гаагі. Пасяджэнне будуць трансляваць у жывым эфіры.
Раней аб'яднаная следчая група (JIT) назвала імёны першых чатырох падазраваных у датычнасці да збівання самалёта. Гэта Сяргей Дубінскі (пазыўны «Хмурны»), Ігар Гіркін (пазыўны «Стралок»), Алег Пулатаў (пазыўны «Гюрза»), Леанід Харчанка (пазыўны «Крот»). Ім прад'яўленыя абвінавачванні ў забойстве.
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат9
Каментары