У Магілёве падлеткі-«міліцыянты» заявіліся да нядаўняга сядзельца і «па службовай неабходнасці» забралі тэлефон і красоўкі
У аператыўна-дзяжурную службу Ленінскага РАУС Магілёва з заявай звярнуўся 31-гадовы магілёвец, які сцвярджаў, што незнаёмыя яму маладыя людзі праніклі ў яго кватэру па вуліцы Касманаўтаў і, ужо будучы ў гасцях, забралі ў яго мабільны тэлефон і красоўкі агульным коштам 225 беларускіх рублёў. Інцыдэнт адбыўся пры досыць дзіўных абставінах, перадае магілёўская міліцыя.
Справа ў тым, што мужчына нядаўна сам вызваліўся з месца пазбаўлення волі, уладкаваўся на працу і быў моцна здзіўлены, калі ў яго кватэру пазванілі маладыя людзі і назваліся супрацоўнікамі праваахоўных органаў. Яны паведамілі гаспадару кватэры, што яму неабходна з імі супрацоўнічаць, пасля чаго зайшлі ўнутр. Агаломшаны гэтай заявай магілёвец і яго маці накармілі няпрошаных гасцей. Затым, па папярэдняй інфармацыі, яны забралі з сабой рэчы мужчыны і сышлі, аргументаваўшы свой учынак службовай неабходнасцю.
Падумаўшы, мужчына ўсё-ткі вырашыў звярнуцца ў Ленінскі РАУС Магілёва па тлумачэнні. Праваахоўнікі высветлілі, што да інцыдэнту, верагодна, датычныя 16-гадовы навучэнец адной з устаноў адукацыі горада, раней ужо судзімы за крадзеж, і яго 17-гадовы раней не судзімы прыяцель, якія стаяць на ўліку ў інспекцыі па справах непаўналетніх.
Даведаўшыся пра тое, што мужчына вярнуўся дадому, яны вырашылі яго такім чынам разыграць.
Скрадзенае ўдалося вярнуць пацярпеламу. У дачыненні да фігурантаў распачата крымінальная справа, следчымі будзе дадзена прававая ацэнка.
-
У аварыі ў Слуцкім раёне загінулі чатыры чалавекі з адной машыны
-
Жыхар Ваўкавыска падклаў пад штаны пластыкавы кантэйнер і стрэліў сабе ў нагу з вінтоўкі. Ён праводзіў цікавы эксперымент
-
«Забілі маю сястру, а праз некалькі месяцаў здарылася трагедыя са школьніцай». Беларускі — пра маньяка, якога лавілі 25 гадоў
Цяпер чытаюць
Сыны «літоўскага шпіёна» адправілі Лукашэнку ліст. Тым часам усплылі новыя дэталі яго справы3
Каментары