Два чалавекі загінулі ў выніку пажару ў хостэле на паўднёвым захадзе Масквы, паведамляе ТАСС.
«Адзін пацярпелы памёр на месцы пажару, другі — у машыне хуткай дапамогі. Усяго двое загінулых. Паводле папярэдніх даных, абодва — грамадзяне Беларусі», — сказала крыніца.
Узгаранне адбылося на чацвёртым паверсе хостэла, яго плошча склала 15 кв. м. Усяго з будынка, паводле ўдакладненых звестак МНС, вывелі больш за 150 чалавек. Пажар ліквідавалі.
У хостеле ў 2018 годзе выявілі грубыя парушэнні патрабаванняў пажарнай бяспекі. Амаль усе яны былі ліквідаваныя, дзякуючы чаму ўдалося пазбегнуць масавай гібелі людзей.
Ачаг узгарання знаходзіўся ў памяшканні аховы, побач з якой размешчаны пакой, дзе пражывалі грамадзяне Беларусі.
«Абодва былі ў стане алкагольнага ап'янення і не рэагавалі на гукавую сігналізацыю і просьбы персаналу пакінуць будынак. Іх эвакуіравалі пажарныя, але яны памерлі ад атручвання прадуктамі гарэння», — патлумачылі ў праваахоўных органах.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве7
Каментары