«Мы павінны дадаткова вывучыць такі інструмент», — сказаў ён.
Расія не выключае магчымасці правядзення здзелкі своп з Беларуссю ў нацыянальных валютах, аналагічнай той, якая была праведзена паміж Беларуссю і Кітаем.Аб гэтым заявіў сёння ў Мінску журналістам віцэ‑прэм’ер — міністр фінансаў Расіі Аляксей Кудрын, адказваючы на пытанне аб магчымасцях прадастаўлення Расіяй яшчэ аднаго крэдыту Беларусі.
«Мы павінны дадаткова вывучыць такі інструмент. Не выключана, што мы будзем выкарыстоўваць яго ў адносінах з Беларуссю, але гэта патрабуе дадатковай прапрацоўкі», — сказаў Аляксей Кудрын.
Паводле яго слоў, у рамках плана сумесных дзеянняў Беларусі і Расіі па мінімізацыі наступстваў сусветнага фінансавага крызісу ёсць пункт па пашырэнню прымянення нацыянальных валют ва ўзаемных разліках. У красавіку бягучага года надыходзіць тэрмін прадастаўлення адпаведных прапаноў. Цяпер яны рыхтуюцца. «Думаю, што існуе больш багаты інструментарый па аказанню падтрымкі, акрамя аднаго такога інструмента, як крэдыт», — адзначыў Аляксей Кудрын.
Паводле слоў міністра фінансаў Беларусі Андрэя Харкаўца, «своп — гэта дастаткова новы інструмент для нас і для Кітаю». Такая ўгода была ажыццёўлена Беларуссю ўпершыню. «Магчыма, яшчэ не час аналізаваць эфект, які можа быць атрыманы ад яе, але тым не менш цікавасць да яе ёсць. Гэта сігнал, што падобныя інструменты могуць быць выкарыстаны і ў адносінах з Расіяй. Ва ўсялякім выпадку, беларускі бок будзе прапаноўваць такія варыянты», — сказаў Андрэй Харкавец.
Нагадаем, 11 сакавіка Нацыянальны банк Беларусі і Народны банк Кітая падпісалі пагадненне аб валютным свопе — гэта камбінацыя дзвюх процілеглых канверсійных здзелак на аднолькавую суму з рознымі датамі валюціравання. Сутнасць яе ў тым, што адначасова адбываецца купля і продаж замежнай валюты на аднолькавую суму з рознымі датамі пастаўкі. У рамках заключанага з Кітаем пагаднення будзе прадастаўлена 20 млрд. рэнмінбі і Br8 трлн. (амаль $3 млрд.).
Цяпер чытаюць
Былы беларускі ваяр суткі катаваў свайго сябра, а пасля забіў сябе11
Каментары