Мінінфармацыі паўшчувала сайт vitebsk.biz за фэйк пра смерць гендырэктара «Марка»
Міністэрства інфармацыі вынесла папярэджанне ўладальніку інтэрнэт-рэсурсу vitebsk.biz, на якім 13 сакавіка была змешчана публікацыя «У Мінску памёр генеральны дырэктар СТАА «Марка» Мікалай Васільевіч Мартынаў», якая ўтрымлівае недакладную інфармацыю пра смерць кіраўніка арганізацыі.
Паводле афіцыйнай інфармацыі Мінздароўя, цяпер у Беларусі не было зафіксавана смерцяў ад захворванняў, выкліканых каранавірусам.
Улічваючы, што зараз грамадская ўвага прыцягнута да праблемы распаўсюджвання дадзенага віруса, публікацыя падобнай інфармацыі спрыяе нагнятанню панікі ў грамадстве і ўводзіць у зман грамадзян адносна дзеянняў дзяржавы па барацьбе з дадзеным захворваннем, а таксама парушае канстытуцыйнае права грамадзян на атрыманне поўнай, дакладнай i своечасовай інфармацыі, гаворыцца ў паведамленні Мінінфарма.
«Паважаныя журналісты і блогеры! Просім правяраць дакладнасць атрыманых звестак і не распаўсюджваць няпэўную інфармацыю», — заклікае ведамства.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары