Арганізатарам анлайн-святкавання Дня Волі адключылі інтэрнэт. Канцэрт пакажуць у запісе
Каманда арганізатараў святочнага канцэрта да ўгодкаў абвяшчэння БНР паведаміла «Нашай Ніве» аб нечаканых тэхнічных праблемах, якія паўсталі перад запускам трансляцыі ў інтэрнэт.
Канцэрт хацелі паказаць у жывым эфіры, бо сабрацца ў горадзе сёлета не атрымалася праз каранавірус.
Меркавалася, што канцэрт у клубе Re:Public будзе транслявацца ў жывым эфіры на YouTube.
Але спробы запусціць эфір марныя, нічога не атрымліваецца.
«Тут выдатны інтэрнэт, 100 Мб/с, але ён пачаў выдаваць памылку, як толькі пачаўся разагрэў. Перадаць сігнал немагчыма. Усе магчымыя крыніцы інтэрнэту правераныя, з усімі адное і тое ж.
Але канцэрт усё роўна ідзе і будзе апублікаваны сёння каля 22-х гадзін», — сказаў адзін з арганізатараў.
Каб не прапусціць, дадайцеся на канал Годна на ютубе.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай82
Каментары