Аляксандр Лукашэнка, заслухоўваючы сёння даклад аб гатоўнасці сістэмы аховы здароўя процідзейнічаць пагрозам распаўсюджвання каранавіруса, запатрабаваў ад урада вырашыць праблемы з наяўнасцю індывідуальных сродкаў абароны, піша БЕЛТА.
«Я прэм'ер-міністра і ўрад папярэдзіў: калі толькі да канца тыдня адказныя людзі мне даложаць, што чагосьці не хапае ў аптэках, крамах або бальніцах, асабліва для абароны лекараў, — урада не будзе. Будуць працаваць іншыя», — заявіў Аляксандр Лукашэнка.
Ён даручыў усёй вертыкалі ўлады на чале з прэм'ер-міністрам вырашыць праблемы з наяўнасцю ахоўных сродкаў у найбліжэйшыя дні. «Гэта недапушчальна, што мы чагосьці не можам зрабіць. Маску гэтую няшчасную не можам пашыць для насельніцтва. Яны ж ідуць шалікамі ахутваюцца (правільна робяць), але няўжо мы маску не можам пашыць? — запытаў кіраўнік дзяржавы. — Казаць, што ў нас сёння дзесьці дэфіцыт гэтага, недапушчальна. Таму, калі ёсць гэтыя праблемы, вертыкаль улады на чале з прэм'ер-міністрам павінны іх да панядзелка вырашыць».
Цяпер чытаюць
На Шры-Ланцы ў 37 гадоў памёр беларускі кінапрадзюсар Андрэй Маталыга2
Каментары