Старшыня канцэрна «Белдзяржхарчпрам» Іван Данчанка 1 красавіка прадставіў калектыву СААТ «Камунарка» новага кіраўніка — Наталлю Кот.Пра гэта БелаПАН паведамілі ў прэс‑службе канцэрна.
Н.Кот у 2002—2003 гадах працавала фінансавым дырэктарам СП ААТ «Спартак», а з 2003 года і да цяперашняга прызначэння ўзначальвала кандытарскую фабрыку «Слодыч». І.Данчанка пажадаў поспехаў новаму кіраўніку і выказаў надзею на тое, што «прадпрыемства не толькі не здасць заваяваных пазіцый, але і дасягне новых станоўчых вынікаў».
Старшыня канцэрна выказаў удзячнасць за шматгадовую працу ранейшаму кіраўніку прадпрыемства Ніне Атаманавай, якая самастойна прыняла рашэнне пакінуць пасаду і пайсці на пенсію. На пасадзе гендырэктара «Камунаркі» яна працавала з 2001 года.
Штогод СААТ «Камунарка» выпускае да 25 тыс. тон прадукцыі. Асартымент фабрыкі налічвае больш як 300 найменняў кандытарскіх вырабаў. Каля 30% прадукцыі адпраўляецца на экспарт: у ЗША, Расію, Германію, Ізраіль і іншыя краіны. Прадукцыя фабрыкі штогод годна заяўляе пра сябе на нацыянальных і міжнародных выставах прадуктаў харчавання і кандытарскіх вырабаў, такіх як All candy (Чикаго), ISM (Кёльн), World Food (Масква), «Прадэкспа» (Мінск) і г.д.
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію7
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне7474
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне74
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары