Самы папулярны СТРЫМ у гісторыі Беларусі: у жывым эфіры Ціханоўскага глядзелі больш за 35 тысяч чалавек
Стрым блогера Сяргея Ціханоўскага пасля яго вызвалення глядзелі аднамомантава больш за 35 тысяч чалавек. Блогер у кадры проста расказваў падрабязнасці свайго затрымання і адседкі. За час эфіру яму ахвяравалі $3720.
Нагадаем, блогера Сяргея Ціханоўскага, які быў запар асуджаны на 45 сутак арышту, вызвалілі з ізалятара часовага ўтрымання ў Гомелі.
Сяргей Ціханоўскі быў затрыманы шостага мая пад Магілёвам. Яго змясцілі ў ІЧУ Гомеля. Падставай для затрымання блогера стала пастанова суда Савецкага раёна горада Гомеля аб адміністрацыйным арышце, вынесеная яшчэ ў студзені. А менавіта гэта пастанова аб 15 сутках арышту за ўдзел у акцыі супраць інтэграцыі з Расіяй 20 снежня. Падчас адбывання гэтых 15 сутак над блогерам адбыліся яшчэ два суды, на кожным з якіх ён атрымаў яшчэ па 15 сутак арышту. Акрамя таго, па словах Ціханоўскага, на яго склалі яшчэ шмат пратаколаў па артыкуле 23.34 КаАП за арганізацыю сустрэч з падпісчыкамі ў розных гарадах Беларусі.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары