«Адзваніліся Качанавай, што пытанне закрыта»: Полацкія медыкі таксама паскардзіліся ў АП на няправільны разлік прэмій, але ім нічога не даплацілі
Стала вядома, што і медыкі Полацкай станцыі хуткай дапамогі скардзіліся ў Адміністрацыю прэзідэнта з прычыны няправільна, на іх думку, налічаных прэмій за работу з пацыентамі з каранавірусам.
Пра гэта паведамляе тэлеграм-канал HARBACEVIČ.
Як стала вядома «Нашай Ніве», такі зварот сапраўды быў — медыкі падпісаліся пад лістом, сэнс якога зводзіўся да таго, што яны не адчулі абяцаных надбавак за работу з каранавірусам.
Далей прыводзім гісторыю са словаў галоўнага доктара Полацкай цэнтральнай гарадской бальніцы Аляксандра Стомы:
«Яны трактавалі са свайго гледзішча ўказ, прыехала камісія, была сустрэча са старшынёй выканаўчага камітэта, камісія з упраўлення [аховы здароўя], ім патлумачылі, далі адказы на ўсе пытанні, што іх цікавілі. Усё было налічана правільна, што было належна — ім заплацілі, згодна з заканадаўствам. Выплачаны правільна заробак. Яны [работнікі хуткай] потым адзваніліся кіраўніку Савета Рэспублікі [Наталлі Качанавай] і сказалі, што пытанне знятае», — сказаў Аляксандр Стома.
Нагадаем, падобная гісторыя ў Бабруйску скончылася скандалам.
Чытайце: У Бабруйску медыкі хуткай сарвалі здымкі сюжэта БТ аб надбаўках і арганізавалі стыхійны мітынг ВІДЭА
Чытайце: Пасля стыхійнага мітынгу медыкаў пазбавіўся пасады галоўны доктар Бабруйскай станцыі хуткай дапамогі
Цяпер чытаюць
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў10
Каментары