Затрымалі жыхара Гродна, які паклаў міліцыянта на зямлю падчас правакацыі супраць Ціханоўскага
Затрымалі Яўгена Разнічэнку, які расказаў «Радыё Свабода», пры якіх абставінах апынуўся на зямлі міліцыянт падчас інцыдэнту на зборы подпісаў за Ціханоўскую ў Гродне. Уначы Разнічэнка перастаў выходзіць на сувязь.
Разнічэнка ўвечары 29 мая запісаў галасавое паведамленне і размясціў яго ў тэлеграм-чаце «Страна для жизни». Ён паведаміў, што гэта ён укладваў міліцыянта на асфальт.
«Хутчэй за ўсё паспрабуюць прышыць «крыміналку». Калі я перастану выходзіць на сувязь, хлопцы, разумейце, што гэта правакацыя з боку спэцслужбаў», — сказаў Яўген Разнічэнка.
Яўген перастаў выходзіць на сувязь каля 1 гадзіны ночы.
Яўгену Разнічэнку 35 гадоў, ён будаўнік. Нядаўна вярнуўся з працы ў Расіі.
«Ён проста на мяне ўпаў». Мужчына патлумачыў, чаму акуратна паклаў на зямлю міліцыянта ў Гродне
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары