У пятніцу, 19 чэрвеня, пасля 15:00, хтосьці здзейсніў захоп тэлеграм-канала «Краіна для жыцця» (50 тысяч падпісчыкаў), у якім публікаваліся навіны пра Сяргея Ціханоўскага, а таксама ягоных паплечнікаў.
У канале змененая назва. Цяпер ён называецца «РаЗАм» — гэта лозунг, з якім на выбары ідзе Аляксандр Лукашэнка. Аватарка таксама змененае на фірмовае лога кампаніі кіраўніка краіны.
У канале сталі знікаць ранейшыя допісы. А чат канала, у якім было каля 47 тысяч карыстальнікаў, па-першае адлучылі ад самога канала, а па-другое, таксама пераназвалі ў «Разам».
Змены зрабіў тэлеграм-акаўнт «Partyzan123», які належыў асабіста Сяргею Ціханоўскаму. Сам Ціханоўскі ад 29 мая знаходзіцца ў зняволенні. На яго заведзена дзве крымінальныя справы.
UPD. У выніку тэлеграм-канал «Краіна для жыцця» ўвогуле заблакавалі з прычыны парушэння «правілаў тэлеграма».
Разведка ЗША: Беларусь стала перадавым вайсковым плацдармам Расіі24
Каментары