Арменія адкажа за кожную правакацыю і атаку на Азербайджан. Пра адплату заявіў кіраўнік Мінабароны Турцыі Хулусі Акар на сустрэчы з азербайджанскай дэлегацыяй, паведамляе агенцтва Anadolu.
Акар нагадаў, што пасля «правакацыі ўзброеных сіл Арменіі» на мяжы з Азербайджанам турэцкі лідар Рэджэп Таіп Эрдаган паразмаўляў па тэлефоне з прэзідэнтам Азербайджана Ільхамам Аліевым. Кіраўнік турэцкага ваеннага ведамства паабяцаў, што на фоне апошніх падзей будуць прынятыя ўсе неабходныя меры. «Мы рашуча асуджаем подлую атаку на Тавузскі раён Азербайджана. Боль Азербайджана — наш боль. Гібель азербайджанскіх вайскоўцаў не застанецца без адказу» — прыгразіў Акар.
Турцыя неаднаразова выказвалася аб падтрымцы Азербайджана на фоне канфлікту з Арменіяй. У прыватнасці, турэцкая армія заяўляла пра гатоўнасць падтрымліваць азербайджанскі бок у баях з Арменіяй.
Канфлікт паміж Баку і Ерэванам абвастрыўся 13 ліпеня: Мінабароны Азербайджана паведаміла, што на мяжы з Арменіяй пачалася перастрэлка пасля таго, як армянская армія абстраляла азербайджанскія пазіцыі з артылерыйскіх установак. Мінабароны Арменіі сцвярджала, што азербайджанцы спрабавалі захапіць апорны пункт на мяжы пры падтрымцы артылерыі, але былі адкінутыя.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу4
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8585
Каментары