Ад 24 ліпеня новы дызель-цягнік пачне курсіраваць па маршруце Гродна — Мінск — Гродна, піша БелТА.
Шасцівагонны дызель выраблены польскай кампаніяй PESA Bydgoszcz SA. Ён паступіў на Беларускую чыгунку ў 2020 годзе.
Новы рухомы састаў ДП6 адпавядае сучасным патрабаванням бяспекі руху і камфорту. У ДП6 ёсць 311 стацыянарных месцаў для сядзення, у тым ліку 25 месцаў першага класа.
Канструкцыйная хуткасць руху цягніка — 140 км/г.
Прасторны салон абсталяваны мяккімі крэсламі з рэгуляваннем спінкі і падлакотнікаў, інфармацыйнай аўдыё- і відэасістэмай для пасажыраў. Усе месцы забяспечаныя індывідуальнымі разеткамі для падзарадкі гаджэтаў, таксама ў дызель-цягніку ёсць Wi-Fi. У салоне маецца шматфункцыянальная зона для перавозкі пасажыраў з абмежаванымі фізічнымі магчымасцямі, пасажыраў з дзіцячымі каляскамі, роварамі і буйным багажом.
Кожны вагон абсталяваны кандыцыянерам, паніжаная падлога і дзверы з высоўнымі прыступкамі робяць пасадку хуткай і зручнай.
Тры пары такіх цягнікоў ужо курсіруюць са снежня 2019 года па маршруце Мінск — Віцебск.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары