Выбары-20202222

Прафсаюзны лідар Ярашук звярнуўся да Дзмітрыева, Канапацкай і Чэрачня: Вы ставіце крыж на сабе як на палітыках

Адкрыты ліст кандыдатам у прэзідэнты Рэспублікі Беларусь Ганне Канапацкай, Андрэю Дзмітрыеву, Сяргею Чарачню

Паважаныя Ганна, Андрэй і Сяргей!

Засталіся лічаныя дні да таго, калі не толькі вызначыцца будучыня нашай краіны, але і ваша персанальная будучыня. Паколькі, калі вы не знімеце свае кандыдатуры і не падтрымаеце да 9 жніўня Святлану Ціханоўскую, якая атрымала падтрымку абсалютнай большасці выбаршчыкаў, вы проста паставіце крыж на сабе як на палітыках. У вачах беларускага народа вы будзеце выглядаць як людзі, якія паставілі свае інтарэсы вышэй за яго інтарэсы і сталі памагатымі Аляксандра Лукашэнкі, які імкнецца захаваць уладу.

Зняцце ж вамі сваіх кандыдатур на карысць Святланы Ціханоўскай не толькі пазбаўляе ўладу магчымасці маніпуляцый з вамі і з вашымі галасамі ў сваіх інтарэсах, але і будзе характарызаваць вас як спелых, дальнабачных і ашчадных палітыкаў, здольных адмовіцца ад імгненных тактычных выгод на карысць доўгатэрміновых стратэгічных.

Вы ўсё яшчэ адносна маладыя людзі, мяркуючы па ўсім, не выпадкова трапілі ў палітыку і можаце пражыць у ёй доўгае і паспяховае жыццё, маючы магчымасць браць удзел у прэзідэнцкіх выбарах і перамагаць на іх. Але гэтая магчымасць з'явіцца ў вас не раней, чым у краіне адбудуцца дэмакратычныя перамены і гэтая ўлада сыдзе.

А шанцы на перамены і сыход улады 9 жніўня павышаюцца не з вашым удзелам, а з вашым няўдзелам у выбарах, здыманнем вашых кандыдатур дзеля агульнай перамогі дэмакратычнага кандыдата. І ваш удзел у выбарах не дадае вам аўтарытэту, а, наадварот, памяншае, не нарошчвае ваш палітычны капітал, а яго разменьвае.

Усведамляеце вы гэта ці не, але справа ідзе менавіта такім чынам. Выбар цяпер за вамі, як распарадзіцца ўласнай палітычнай будучыняй, — бязглузда перакрэсліць яе ці мудра адчыніць у яе дзверы. Але запомніце адно:

Святлана Ціханоўская і беларускі народ, які падтрымаў яе, 9 жніўня атрымаюць пераканаўчую перамогу. Застаецца адкрытым толькі пытанне, дзе будзеце вы, — у ліку пераможцаў разам са Святланай Ціханоўскай і беларускім народам або ў ліку тых, хто прайграў разам з Аляксандрам Лукашэнкам. Іншых варыянтаў няма.

З павагай,
Аляксандр Ярашук,
старшыня Беларускага кангрэса дэмакратычных прафсаюзаў

Каментары22

Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім23

Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім

Усе навіны →
Усе навіны

Як ідзе рамонт моста на праспекце Незалежнасці ФОТЫ1

У Літве хочуць стварыць дронавую заслону на мяжы з Беларуссю1

«Патэлефануйце Пуціну»: Рутэ папярэдзіў Кітай, Індыю і Бразілію пра другасныя санкцыі3

У парку Чалюскінцаў з’явіцца «Вежа свабоднага падзення»2

Мядзведзеў пра ўльтыматум Трампа: Расіі ўсе роўна8

«Адзін глядзеў тэлефон, другі размаўляў, а трэці ў баку назіраў». Як цяпер праводзяць допыты на мяжы Беларусі з ЕС18

Трампа спыталі, ці ён усё яшчэ лічыць НАТА састарэлай арганізацыяй

Пакалечаная ў Дубаі ўкраінская мадэль пачала гаварыць34

«Напрамак сусветнага ўзроўню». Курорт у Паўночнай Карэі будавалі, каб адкрыць КНДР свету, але пакуль і расіяне не хочуць ехаць8

больш чытаных навін
больш лайканых навін

Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім23

Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім

Галоўнае
Усе навіны →

Заўвага:

 

 

 

 

Закрыць Паведаміць