Трагедыя здарылася ў ноч на Радуніцу ў Талачынскім раёне.
Трагедыя здарылася ў ноч на 28 красавіка ў прыватным доме, дзе жылі беспрацоўны мужчына з сужыцелькай і двума сынамі.
У гэтую ноч да хлопчыкаў прыйшлі начаваць двое сяброў.
Мяркуецца, што пажар пачаўся з прычыны неасцярожнага абыходжання з агнём гаспадара дома, беспрацоўнага. Будучы нецвярозым, вечарам ён паліў на кухні.
Трывогу ўзняў старэйшы з хлопчыкаў, Сяргей. Ноччу яго пабудзіў моцны пах дыму. 13‑гадовы падлетак пачаў будзіць астатніх.
Маці і айчым выбеглі на вуліцу, сам Сяргей здолеў выскачыць з палаючага дому, разбіўшы шыбу,
яго сябра таксама выбраўся на вуліцу, але атрымаў моцныя апёкі і на наступны дзень памёр у бальніцы.Малодшы брат і яго сябра загінулі ў ахопленым полымем доме.
Калі на месца здарэння прыбылі супрацоўнікі Міністэрства па надзвычайных сітуацый, выратаваць дзяцей не было аніводнага шанцу.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»8
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары