Мінскі гарадскі суд адхіліў 13 кастрычніка апеляцыйную скаргу па адміністратыўнай справе баскетбалісткі Алены Леўчанка. Тэрмін арышту заканчваецца раніцай 15 кастрычніка, піша Tut.by.
Алена Леўчанка была затрыманая 30 верасня і арыштаваная на 15 дзён за ўдзел у несанкцыянаваным мерапрыемстве.
Алена — адна з найлепшых баскетбалістак у гісторыі Беларусі. Яна выступала за зборную з 2001 года, двойчы гуляючы ў складзе нацыянальнай каманды на Алімпійскіх гульнях. У 2010 годзе згуляла ў фінале жаночай НБА і была прызнана найлепшай цэнтравой чэмпіянату свету.
Цяпер Леўчанка падтрымлівае рух спартсменаў супраць гвалту і фальсіфікацый на выбарах.
Цяпер чытаюць
Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд8
Каментары