«Вельмі важнае пытанне — бяспека студэнтаў. Мы ўсе зараз: вось, студэнты такія-сякія і іншае. Але трэба ж разумець, што там ёсць 10-15 чалавек… А астатнія нармальныя людзі. Мы ж былі студэнтамі. Адзін пайшоў, а іншыя ідуць, думаюць: ну як застацца — штрэйкбрэхерамі назавуць, адшчапенцамі, здраднікамі. Ну і ідуць натоўпам», — сказаў сёння Лукашэнка.
Аляксандр Лукашэнка таксама пракаментаваў намер некаторых студэнтаў з'ехаць вучыцца за мяжу. «Нехта хоча паехаць за мяжу вучыцца. Абвяшчаюць там палякі, літоўцы і іншыя. Не пытанне. Заўтра выпішам квіткі, хай едуць. Але толькі ў Лінгвістычным універсітэце вучаць замежным мовам. Паверце, у Польшчы, Чэхіі і нават у Літве людзей, якія ўмеюць размаўляць на замежных, англійскай ці нямецкай, мовах, дастаткова, — звярнуў увагу Лукашэнка. — Кагосьці там пакінуць - аднаго-двух чалавек, і тое фізікаў, матэматыкаў, таленавітых».
«Калі яны думаюць там вучыцца, ім там мазгі прамыюць, як гэта робяць палякі нашым хлопцам, якія там вучацца, і яны нам іх падкінуць як пятую калону… Гэтага не будзе», — падкрэсліў Аляксандр Лукашэнка.
«Я даручыў ураду. У бліжэйшы час будуць прыняты меры аб непрызнанні дыпломаў, атрыманых за мяжой», — сказаў ён.
Лукашэнка падкрэсліў, што так адкрыта кажа, каб студэнты разумелі, што можа быць. «Таму дала магчымасць дзяржава ім атрымаць адукацыю — ідзіце вучыцеся. Але яшчэ раз кажу: трэба гарантаваць бяспеку студэнтаў, якія хочуць вучыцца, а іх 95% і больш, і асабліва рэктарам, кіраўніцтву і выкладчыкам», — падкрэсліў ён.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне6
Каментары