У сувязі з пачаткам працы Беларускай АЭС у Астраўцы (БелАЭС) Літва асудзіла дзеянні Беларусі, якія ствараюць атамныя і экалагічныя пагрозы не толькі Беларусі і Літве, але і ўсёй Еўропе, піша Delfi.lt.
Пра гэта гаворыцца ў ноце пратэсту Міністэрства замежных спраў Літвы Мінску, накіраванай у сераду. Вільня заклікае Беларусь спыніць далейшую дзейнасць атамнай станцыі да таго часу, пакуль не будуць рэалізаваныя высокія стандарты атамнай бяспекі і патрабаванні аховы навакольнага асяроддзя.
У ноце таксама гаворыцца, што БелАЭС парушае міжнародныя канвенцыі Эспоо і Орхуса, што засталіся не рэалізаванымі рэкамендацыі стрэс-тэстаў Еўрасаюза.
У аўторак літоўская кампанія Litgrid зафіксавала пачатак вытворчасці на БелАЭС, Літва адразу ж спыніла гандаль электраэнергіяй з Беларуссю. Аднак фізічна электраэнергія і далей будзе паступаць на рынак Балтыйскіх краін, паколькі ён з'яўляецца дэфіцытным. Літва пакуль не зацвердзіла адзіную з Латвіяй і Эстоніяй методыку гандлю электраэнергіяй з Расіяй, Латвія 5 лістапада абяцае пачаць гандляваць з Расіяй праз перамычку ЛЭП.
-
Мацкевіч: Статкевіч маральна перамог, але ж мяне проста бесіць вось гэтая «маральная перамога»
-
«Няма доказаў» і «адпрацоўка блакады Калінінграда». Што пішуць афіцыйныя СМІ пра зонды і закрыццё мяжы
-
«Шары запускаюць і з аўтамабільных прычэпаў». Былы кантрабандыст тлумачыць, чаму цыгарэты ў Літву ўсё часцей перакідаюць на метэазондах
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП15
Каментары