Падчас адкрыцця першага ўчастка трэцяй лініі метро Аляксандр Лукашэнка даручыў паступова пераводзіць Мінск на электратранспарт, піша БелТА.
«У Мінску ад рухавікоў унутранага згарання трэба сыходзіць. Мінск трэба спакойна, паступова пераводзіць на электратранспарт, бо труцім людзей», — падкрэсліў ён.
Паводле слоў Аляксандра Лукашэнкі, асаблівую ўвагу трэба надаць трамвайнаму руху. «Трэба прывесці ў парадак трамвайныя шляхі, каб яны былі бясшумнымі. Добрыя ж трамваі вырабляем, і гэта добры транспарт», — адзначыў ён.
Лукашэнка ў сувязі з гэтым нагадаў аб Беларускай атамнай станцыі. Яе першы энергаблок ўжо ўключаны ў аб'яднаную энергасістэму краіны.
«Электраэнергіі будзе дастаткова. Нашы пратэстуны плачуць, што няма куды яе падзець. Слухайце, як няма куды падзець электраэнергію? Нам яшчэ трэба адну такую станцыю пабудаваць, каб адысці ад залежнасці па вуглевадародах. Гэта шчасце, падарунак», — заявіў Лукашэнка.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе29
Каментары