Газ, славяне!
Газавая блякада братняй Украіны - пісец панславізму. Аднак пацыента яшчэ можна адкачаць. Фэльетон Лёліка Ушкіна.
Канстатуем сумны факт: 1 студзеня кіраўнікі Расеі раптоўна пахавалі ўсе напрацоўкі Данілеўскага, Хамякова, Аксакава, Скобелева і іншых аракулаў ідэі наднацыянальнай абшчагі славянаў, у якой адносіны грунтуюцца на каштоўнасьцях братэрства. Пачынаючы з 1.01.06 мы не народы-браты, а рынкавыя суб'екты, якія кантактуюць паводле прынцыпу "No money - no funny". Заламіць з Мацеры гарадоў рускіх удвая больш бабла за газ, чым зь нейкіх туркаў - найлепшае сьведчаньне клімаксу нашага цывілізацыйнага фратэрнітэ.
Адзін, каму пашэнціла - беларусы, аднак у рэзонах "Газпрому" мулька наконт славянскага пхай-пхай таксама не фігуруе. Бедныя прыхільнікі Данілеўскага! Яны трапілі ў парадаксальную сытуацыю. Цяпер, каб захаваць свой мэгапраект, або трэба Пуціна абвесьціць варожым агентам у Крамлі, або выдаць рашэньне ад 1.01.06 за выпадковую памылку. Відавочна, панславісты будуць намагацца адкалоць другі варыянт. Як?
З хуткасьцю Чыпа і Дэйла ляту ім на дапамогу. Адзіным апраўданьнем расейскіх мандарынаў можа быць час прыняцьця гістарычнага рашэньня - 10.00 1 студзеня. Час, калі рашэньні можна прымаць выключна па адной праблеме - як зь мінімальным галаўным болем выйсьці з навагодняга каматозу. Толькі спасылка на пахмельле ўратуе нашу славянскую хату.
Найлепшым выйсьцем будзе публікацыя адпаведнай рэдакцыі стэнаграмы паседжаньня Рады бясьпекі Расеі ад 1.01.06. Кшталту:
"Пуцін (ікаючы): Такім чынам, я хацеў бы заслухаць кіраўніка ўраду.
Фрадкоў (прачынаючыся): Хацеў бы агучыць супольную думку: паслаць Іванова па піва і вырубіць каму-небудзь па прыколе газ. Натуральна, не братам-славянам.
Мілер (яго страшна плюшчыць): Дарэчы, прыкаліцеся: у хахлоў прэм'ер - бурат.
Фрадкоў (прачынаючыся): Валі чукчаў. Пішы пастанову - вырубіць бурату газ і паслаць Іванова па піва.
Пуцін (ікаючы): Такім чынам, я хацеў бы заслухаць кіраўніка ўраду…"
Для праўдзівасьці можна прылажыць чэк аб набыцьці Івановым дзьвюх "сісек" "Арсэнальнага". Аднак гэта ўжо дэталі. Галоўнае не марудзіць з тлумачэньнямі, каб споўнілася мара Данілеўскага: "И своды древние Софии / В возобновленной Византии / Вновь осенят Христов алтарь! / Пади пред ним, о Царь России, / И встань, как Всеславянский Царь!"
У мінскім метро праходзяць выпрабаванні новыя цягнікі ФОТЫ3
Каментары