Пра гэта лідар беларускай апазіцыі Святлана Ціханоўская заявіла ў інтэрв'ю ўкраінскай службе «Радыё Свабода».
«Мы хацелі б выказаць свой пункт гледжання, хацелі б пачуць пазіцыю Расіі па беларускім пытанні. Мы суседзі. І мы будзем працягваць нашы адносіны і ў будучыні. Я хацела б пагаварыць. І беларусы гэтага вельмі чакаюць. Не падтрымкі рэжыму [Лукашэнкі], а заявы пра беларусаў, пра наша жаданне будаваць сваю будучыню разам, а не намаганнямі аднаго чалавека», — сказала Ціханоўская.
Раней прэзідэнт Расіі Уладзімір Пуцін павіншаваў Аляксандра Лукашэнку з абвешчанай перамогай на прэзідэнцкіх выбарах у Беларусі 9 жніўня. Пуцін зрабіў гэта на наступны дзень пасля галасавання.
«Павіншаваць то павіншаваў. Але вы ведаеце, мне здаецца, што Расія таксама не чакала, што пратэсны рух [Беларусі] на гэты раз будзе моцны, і мы пойдзем на перамогу, бо ў вачах беларусаў Лукашэнка нелегітымны. І гэтая барацьба, гэты рух пратэсту супраць хамства, непавагі і антыгуманнасці ўжо цяпер. Вы разумееце? У той час ніхто не чакаў, што гэта адбудзецца. Толькі беларусы самі ведалі, што гэтым разам усё будзе інакш. І, як мы бачым, тады Расія падтрымлівала рэжым [Лукашэнкі]. Але цяпер нейкі працэс чакання, чакання. Няма актыўнай падтрымкі [з боку Расіі]», — сказала Ціханоўская.
Да гэтага часу, як заявіла лідарка беларускай апазіцыі, з боку Крамля не паступала сігналаў аб магчымай яе сустрэчы з Пуціным.
У той жа час Ціханоўская паведаміла «Радыё Свабода», што плануе наведаць Украіну «найбліжэйшым часам». Дата такога візіту ўзгадняецца з Кіевам, апазыцыянерка сказала, што размаўляла пра гэта з міністрам замежных спраў Украіны Дзмітрыем Кулебам.
Цяпер чытаюць
«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?3
Каментары