У цэнтры Мінска прайшла выстава заснавальніка сумнавядомай секты Вісарыёна
Называлася яна сціпла «Светлыя фарбы тайгі».
З 15 па 24 траўня ў Мінску, у музеі Вялікай Айчыннай вайны, прайшла выстава «Светлыя фарбы тайгі».
Анонсы, прысвечаныя выставе, не вызначаліся арыгінальнасцю, пісалася, што гэта выстава расійскіх мастакоў – пераможцаў 2‑га Маскоўскага міжнароднага фестываля мастацтваў «Традыцыі і сучаснасць» 2008 г. Тры аўтары — Сяргей Тароп, Ігар Ганчароў і Мікалай Анішчанка прадставілі 57 карцін (пейзаж, нацюрморт, пластыка, жанр, партрет), выкананых алеем і пастэллю.
«Авторы работ — художники сибирского духовного экопоселения «Обитель Рассвета», расположенного в предгорьях Саян, на юге Красноярского края. Чистый, прозрачный воздух, чистая вода горных рек, бескрайняя тайга… А еще — чистые помыслы людей, устремленных жить в гармонии с Создателем и Природой‑матерью, с любовью и благодарностью к окружающему Миру, с желанием наполнить произведения рук своих радостью и отдать их людям, не требуя ничего взамен», гаварылася ў адным з рэкламных артыкулаў.
«Обитель Рассвета» – гэта секта (прыхільнікі, праўда, кажуць — Царква), заснаваная ў 1991 г. у Краснаярскім краі былым міліцыянерам ды мастаком‑афармляльнікам Сяргеем Таропам.
У 1991 г. Сяргей Тароп заявіў, што з’яўляецца Сынам Божым на Зямлі. Назваў сябе Вісарыёнам – другой інкарнацыяй Ісуса Хрыста. Вісарыён узначаліў Царкву Апошняга Запавета.
У 1992 г. у яго з’явіўся уласны евангеліст – былы бубнач гурту «Ласкавы май» Вадзім Рэдзькін, які стаў хадзіць за Вісарыёнам і запісваць яго выказванні, якія потым аформіў у «Апошні Запавет».
Хрысціянскія цэрквы не прызнаюць Вісарыёна, лічачы яго шарлатанам, а яго царкву — дэструктыўнай таталітарнай сектай.
У 1995 г. паслядоўнікі Вісарыёна‑Таропа заснавалі ў Краснаярскім краі паблізу возера Тыберкуль экалагічнае паселішча, якое назвалі «Обитель Рассвета».
Тамтэйшая адміністрацыя выдзеліла ім участак плошчай у 250 гектараў. Там будуецца Горад Сонца.
Сёння царква Вісарыёна, паслядоўнікі якога канцэнтруюцца ў Курагінскім і Каратузскіх раёнах Краснаярскага края, аб’ядноўвае 5 тыс. чалавек.
Сюжэт пра секты ўвогуле быў паказаны ў сённяшняй праграме АНТ «Контуры», тамсама згадалі пра гэту выставу, а таксама расказалі пра тое, што сярод паслядоўнікаў Вісарыёна нават былыя беларускія дэпутаты.
Цікава, што выстава лідэраў секты ў цэнтры сталіцы не ўстурбавала ідэалагічныя органы.
Беларусь чакае новая хваля савецкіх людзей з Латвіі і Эстоніі9
Беларусь чакае новая хваля савецкіх людзей з Латвіі і Эстоніі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары