З 21 снежня Беларусь закрывае межы краіны на выезд грамадзян Беларусі і замежнікаў. Афіцыйная прычына — каранавірус.
Пра гэта гаворыцца ў пастанове Савета міністраў №705 ад 7 снежня 2020 года.
Абмежаванні будуць датычыцца наземных памежных пунктаў, вылецець з Беларусі на самалёце па-ранейшаму будзе дазволена.
Выязджаць з краіны змогуць кіроўцы фур і камандзіровачныя.
Таксама будуць выпускаць тых, хто мае замежную працоўную дамову ці вучыцца за мяжой, а таксама тых, у каго ёсць дазвол на жыццё у іншай краіне. Але ім можна будзе выязджаць не часцей чым раз на паўгода. Наяўнасць гэтай нормы ў пастанове Саўміна № 705 дае падставы думаць, што абмежаванне свабоды выезду можа быць надоўга.
Цяпер чытаюць
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам18
Каментары