Да закрыцця ў кампаніі «Баніар» заставалася працаваць пяць крам Bigzz і дзве «Скарбонкі» («Копілкі»). Цяпер усе яны не працуюць. Перад закрыццём там зладзілі вялікія распродажы са зніжкамі 50%, піша Tut.by.
Паводле сэрвісу kartoteka, з 26 лютага «Баніар» знаходзіцца ў ліквідацыі. Ліквідатар цяпер прымае справы кампаніі і кажа, што юрыдычную асобу ліквідуюць па рашэнні ўласніка.
У лютым паліцы крам Bigzz апусцелі. Высветлілася, што да кампаніі ёсць прэтэнзіі ад пастаўшчыкоў, а на 16 лютага на сайце рэестра запазычанасцяў па выканаўчых дакументах пры Мінюсце, дзе публікуецца інфармацыя аб спагнанні даўгоў праз органы прымусовага выканання, было шэсць вытворчасцяў на сумы ад 4 тысяч рублёў да 131 тысячы рублёў. Цяпер гэтых шасці даўгоў няма.
Але да 3 сакавіка ў рэестры з'явілася 28 вытворчасцяў у дачыненні да «Баніар» з агульнай сумай больш за 1 млн рублёў па даўгах. Многія з іх пазначаныя як запазычанасці за тавары і паслугі.
Кампанія «Баніар» належыць Барысу, Аляўціне і Наталлі Лукомскім, а таксама кіпрскай юрыдычнай асобе Geprocon Limited.
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1
Каментары