Беларусы свету пратэстуюць супраць выкарыстання Беларускага таварыства чырвонага крыжа ў палітычных мэтах
Беларусы свету распачалі кампанію пратэсту супраць выкарыстання Беларускага таварыства чырвонага крыжа ў палітычных мэтах. Хэштэг гэтай кампаніі ў сацыяльных сетках #TyrannyPoisonsRedCross.
З поўным эмоцый зваротам у Міжнародны Чырвоны крыж звярнуўся, у прыватнасці, вядомы пісьменнік беларускага паходжання Саша Філіпенка.
Усё пачалося з таго, што аналітыкі звярнулі ўвагу на ўдзел 2996 прадстаўнікоў Чырвонага Крыжа ў выбарчых камісіях на тых участках, дзе назіральнікі падазравалі масавыя фальсіфікацыі. Прычым гэта не першы раз: 2532 з членаў камісій ужо ўдзельнічалі ў выбаркамах на папярэдніх выбарах. Пры гэтым в.а. старшыні прэзідыума арганізацыі — міністр аховы здароўя Піневіч.
Акрамя таго, увагу звярнуў той факт, што Чырвоны крыж ніяк не дапамог больш як 33 тысячам чалавек, затрыманых у Беларусі па палітычных матывах з лета 2020 года.
Пасля масавых зваротаў дыяспары да справы далучылася Нацыянальнае антыкрызіснае ўпраўленне. Яно звярнулася ў Міжнародны камітэт Чырвонага крыжа з трыма просьбамі:
1. разгледзець прыкладзеныя матэрыялы аб парушэнні БТЧК прынцыпаў нейтральнасці і незалежнасці, якія дэкларуюцца міжнародным рухам Чырвонага Крыжа і Чырвонага Паўмесяца;
2. ліквідаваць фінансавую падтрымку БТЧК і накіраваць сродкі наўпрост людзям, якія жывуць у нястачы;
3. прыпыніць сяброўства БТЧК у Міжнароднай федэрацыі таварыстваў Чырвонага Крыжа і Чырвонага Паўмесяца, а таксама міжнародным руху Чырвонага Крыжа і Чырвонага Паўмесяца да таго часу, пакуль арганізацыя не дакажа сваю адпаведнасць прынцыпам руху».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары