Урад Японіі забароніць замежным заўзятарам прыязджаць на Алімпійскія і Паралімпійскія гульні ў Токіа летам 2021 года.
Пра гэта паведамляе агенцтва Kyodo са спасылкай на ананімныя крыніцы, піша meduza.io.
Па словах суразмоўцаў агенцтва, улады асцерагаюцца пагаршэння сітуацыі з пандэміяй у краіне і завозу новых, больш заразных штамаў каранавіруса з-за мяжы.
Да канца месяца японскі бок правядзе сустрэчу з Міжнародным алімпійскім камітэтам, на якой будзе прынятае фармальнае рашэнне па замежных заўзятарах.
Арганізатары Алімпіяды таксама маюць намер правесці без гледачоў цырымонію старту эстафеты Алімпійскага агню, якая запланавана на 25 сакавіка. Што тычыцца саміх гульняў, яны могуць адбыцца як за зачыненымі дзвярыма, так і пры абмежаванай колькасці гледачоў з Японіі.
Алімпійскія Гульні ў Токіа павінны былі прайсці летам 2020 года, але іх перанеслі на год з-за пандэміі. Алімпіяда ў японскай сталіцы пройдзе з 23 ліпеня па 8 жніўня 2021 года, Паралімпіяда — з 24 жніўня па 5 верасня.
З-за пандэміі ў Японіі ўжо дзейнічае забарона на выдачу новых віз замежнікам. У краіну могуць уязджаць толькі грамадзяне Японіі і замежнікі, якія маюць доўгатэрміновыя візы або пастаянна пражываюць там.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу5
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х2020
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х20
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8585
Каментары