Швецыя прыпыніла выкарыстанне вакцыны ад каранавіруса вытворчасці шведска-брытанскай AstraZeneca ў якасці меры засцярогі да высвятлення сітуацыі з пабочнымі эфектамі ад прымянення прэпарата. Пра гэта паведамляе шведскае агенцтва аховы здароўя, піша РБК.
Выкарыстанне прэпарата будзе прыпынена да завяршэння расследавання магчымых пабочных эфектаў Еўрапейскім агенцтвам па лекавых сродках (EMA). Падчас гэтага расследавання плануецца высветліць, ці звязаныя выпадкі трамбозу ў вакцынаваных з прышчэпкай.
«Важна прыпыніць вакцынацыю да таго часу, пакуль EMA не высветліць, ці могуць гэтыя выпадкі быць звязаныя з вакцынацыяй», — сказаў дзяржаўны эпідэміёлаг Андэрс Тэгнел.
У шведскім ведамстве адзначылі, што вакцына AstraZeneca забяспечвае добрую абарону ад каранавіруса, а агульная колькасць уведзеных доз складае 17 млн.
У самой Швецыі не паведамлялася аб пабочных эфектах прэпарата.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі15
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары