За перамовы з уладай прагаласавала ўжо болей за 700 тысяч беларусаў
Больш за 700 тысяч чалавек паўдзельнічалі ў галасаванні наконт перамоваў па вырашэнні крызісу ў Беларусі, ініцыянаваным Святланай Ціханоўскай.
18 сакавіка Святлана Ціханоўская выступіла з відэазваротам да беларусаў, у якім заклікала іх прагаласаваць на платформе «Голас» за перамовы з уладай.
Каб прагаласаваць неабходна ўсталяваць чат-бот платформы «Голас» або адразу прагаласаваць, калі ён ужо ўсталяваны. Галасаванне будзе ананімным.
Галасаванне скора стала самым папулярным на платформе. Ініцыятыву правесці мірныя перамовы і новыя выбары ў 2021 годзе падтрымалі ЕС і ЗША.
19 сакавіка, калі колькасць галасоў дасягнула соцень тысяч, доступ да сайта «Голас» быў «абмежаваны на падставе рашэння Міністэрства інфармацыі».
Але абмежаваць доступ да тэлеграм-канала «Голасу» і чат-бота тэхнічнай магчымасці няма, таму галасаванне працягваецца.
Каментары