«Белнафтахім» і азербайджанская кампанія SOCAR дамовіліся пра сумесную рэалізацыю беларускіх нафтапрадуктаў
«Белнафтахім» і SOCAR падпісалі мемарандум аб узаемаразуменні, паведамілі ў прэс-служба канцэрна «Белнафтахім» у сераду, піша Інтэрфакс.
«У мемарандуме агаворваецца супрацоўніцтва ў галіне рэалізацыі вырабленых у Рэспубліцы Беларусі нафтапрадуктаў, у тым ліку сумесна з беларускімі экспарцёрамі, узаемадзеянне па рэалізацыі сумесных інвестыцыйных праектаў, а таксама супрацоўніцтва ў рэалізацыі SOCAR нафтапрадуктаў на ўнутраным рынку Рэспублікі Беларусі», — удакладнілі ў прэс-службе.
У канцэрне падкрэслілі, што мемарандум прадугледжвае пашырэнне магчымасцяў бакоў у галіне вытворчасці і рэалізацыі нафты і нафтапрадуктаў.
«Асноўныя напрамкі супрацоўніцтва арыентаваныя на паляпшэнне ўзаемадзеяння ў сферы арганізацыі паставак азербайджанскай нафты ў Беларусь, а таксама актывізацыі дыялогу паміж вытворцамі і спажыўцамі вуглевадародных рэсурсаў, тэхнічнага аўдыту на беларускіх нафтаперапрацоўчых заводах з мэтай павышэння эфектыўнасці», — распавялі ў прэс-службе.
Мемарандум аб узаемаразуменні паміж Беларускім дзяржаўным канцэрнам па нафце і хіміі і дзяржаўнай нафтавай кампаніяй Азербайджанскай Рэспублікі (SOCAR) падпісаны 14 красавіка 2021 года. Подпісы пад дакументам паставілі старшыня канцэрна «Белнафтахім» Андрэй Рыбакоў і прэзідэнт SOCAR Раўнаг Абдулаеў.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары