Кікбаксёр-беларус Арлоўскі атрымаў 20-ю перамогу ў UFC — ніводнаму цяжкавагавіку гэта не ўдавалася
Былы чэмпіён абсалютнага байцоўскага чэмпіянату (UFC) у цяжкай вазе Андрэй Арлоўскі перамог амерыканца Чэйза Шэрмана на турніры UFC Vegas 24, піша РБК.
Двубой доўжыўся ўсе тры раўнды, па выніках якіх суддзі аднагалосна аддалі перамогу 42-гадоваму байцу.
Усяго на рахунку беларуса, які дэбютаваў у UFC у 2000 годзе, 31 перамога і 20 параз у змяшаных адзінаборствах, два баі не адбыліся. Ён абнавіў рэкорд па перамогах ва UFC сярод байцоў цяжкай вагавой катэгорыі — 20. Рэкорд UFC па перамогах сярод усіх байцоў належыць Дональду Сэроне (23), Арлоўскі дзеліць чацвёрты радок.
Арлоўскі валодаў чэмпіёнскім поясам UFC у 2005—2006 гадах. У 2000 годзе стаў пераможцам «Чэмпіянату Еўропы», арганізаваным расійскім прамоўшэнам М-1 Global. Акрамя гэтага, выступаў у прэстыжным Гран-пры Strikeforce, кікбаксёрскім турніры і баксёрскім баі.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары