Кампаніі Машэнскага пералічылі 100 тысяч на аднаўленне касцёла ў Будславе
Беларусы працягваюць збіраць грошы на аднаўленне пагарэлага храма ў Будславе.
Сёння ў тэлеграм-канале валанцёраў і спачуваючых з'явілася інфармацыя, што сабрана ўжо 170 тысяч рублёў.
Выходзіць, за другі дзень сабрана нашмат больш, чым за першы — учора гаворка ішла пра 40 тысяч рублёў.
Чым выкліканы такі хуткі рост? Гэтае пытанне мы задалі ксяндзу будслаўскага храма Дзмітрыю Дубовіку.
«У нас былі дамовы з Санта-Брэмарам і Савушкавым», — адказаў Дубовік.
Як выявілася, кожная з кампаній пералічыла на аднаўленне касцёла па 50 тысяч рублёў.
Каментары