«Я з'ехаў, бо зразумеў, што прыйдуць». Пінскі экс-суддзя Аляксей Пацко распавёў пра ператрус
Летась 10 жніўня Пацко адмовіўся судзіць затрыманых па 23.34 і прынцыпова звольніўся. Уладкаваўся памочнікам адваката. А сёлета 25 мая ў яго раптам прайшоў ператрус, пра гэта паведамілі праваабаронцы.
Падчас ператрусу канфіскавалі тэхніку і дакументы.
Сам экс-суддзя коратка пракаментаваў гэта так:
«Я знаходжуся за мяжой — з’ехаў нядаўна, бо зразумеў, што неўзабаве па мяне прыйдуць. Так лічыць былі падставы.
Вобшукі сапраўды прайшлі ў офісе і ў маці. Падчас іх сілавікі казалі, што на Пацко заведзеная нейкая справа, штосьці звязанае з падробкай дакументаў. Але дакладна якая справа і за што — пакуль невядома. З чым звязаны такі раптоўны ціск на мяне пакуль таксама сказаць не магу».
Паведамлялася, што затрыманая маці Пацко. Гэта няпраўда.
«Маці не затрымлівалі — забралі для дачы тлумачэнняў, пасля адпусцілі», — паведаміў Аляксей Пацко.
«Я не хацеў разглядаць справы па артыкуле 23.34». Суддзя з Пінска прынцыпова звольніўся
Цяпер чытаюць
Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам2
Каментары