«У мяне ўпершыню ёсць статус беспрацоўнага». Загадчык Маладзечанскага псіханеўралагічнага дыспансера — пра сваё звальненне
30 ліпеня загадчык Маладзечанскага псіханеўралагічнага дыспансера Аляксандр Бажко звольнены з працы. «Рэгіянальная газета» надрукавала яго развітальны тэкст.
«Звольнены.
Загад N 186-к ад 2021/07/30.
Сёння я выйшаў з дыспансера як у адкрыты космас. Апошні дзень маёй працы ў якасці кіраўніка і доктара-спецыяліста псіханеўралагічнага дыспансера УЗ «Маладзечанская ЦРБ».
Восем гадоў таму мне пашчасціла ўзначаліць гэтае структурнае падраздзяленне. Ззаду 17 гадоў. Лепшых гадоў з лепшым калектывам.
Сябры-калегі — вы неверагодныя. Я застаюся перакананы ў надзейнасці нашай каманды. Стойкасць і ўпэўненасць, смеласць намераў і эмпатыя, а таксама адкрытасць у прад’яўленні сябе і сваіх думак дазволяць захаваць цэласнасць, каштоўнасці і кампетэнцыі.
Наперадзе нявызначанасць. Ва ўсіх бывае. Вера дае надзею. Перамены нястрашныя. У мяне ўпершыню ёсць статус беспрацоўнага.
Гэта незвычайна, але нястрашна. Выбар і свабода. Мне больш падабаецца слова «перспектыва».
Шкадую аб тым, што не змог, і цешуся за зробленае. За апошні месяц пастараўся паклапаціцца пра ўсіх, за каго быў у адказе як доктар (…).
Ёсць горыч шкадавання за пару-тройку людзей. Гэта новы досвед.
Здзіўляцца шматстайнасці формаў паводзін людзей я перастаў даўно, аднак у гэты раз выпрабаваў новыя для мяне пачуцці.
Асобнае прызнанне — тым, хто выказваў словы падзякі і перадаваў падтрымку. Прыходзілі падзякі асабістыя і калектыўныя, у кнігу водгукаў і ў выглядзе зваротаў. Спагадлівасць і дабрыня даюць сілы.
Я ўдзячны кожнаму, з кім мне давялося працаваць і каму меў гонар дапамагаць. Кожная сустрэча, незалежна ад працягласці, мае феномен кантакту душ. Хто як не псіхіятры пра гэта ведаюць.
Я планую і далей практыкаваць як спецыяліст па аказанні псіхіятрычнай, наркалагічнай і псіхатэрапеўтычнай дапамогі, а таксама рэалізоўваць існыя навыкі кіраўніка.
Прыму за гонар быць карысным Вам.
Удачы і поспехаў. Беражыце сябе і захоўвайце псіхічнае здароўе».
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»1
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары