Нацыянальныя ўзброеныя сілы Латвіі ўзмоцняць падтрымку, што аказваецца Дзяржаўнай службе памежнай аховы ў ахове ўсходняй мяжы з-за магчымага наплыву нелегальных мігрантаў.
Пра гэта ў сераду паведаміла прэс-служба Міністэрства абароны краіны.
Кіраўнік абароннага ведамства Артыс Пабрыкс даручыў Нацыянальным узброеным сілам забяспечыць абарону ўсходняй мяжы, размясціўшы дадатковыя сістэмы назірання, выкарыстоўваючы беспілотныя лятальныя апараты, накіраваўшы дадатковы персанал і праводзячы рэгулярныя вайсковыя вучэнні.
«Цяпер сітуацыя на мяжы Латвіі адносна спакойная, але мы павінны быць гатовыя да магчымага павелічэння нелегальнай міграцыі і звязаных з гэтым правакацый. Акрамя таго, нельга выключаць верагоднасць, што сітуацыя можа змяніцца падчас сумесных вучэнняў ўсходніх суседзяў «Захад-2021», — кажа ён.
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі31
Каментары