Калеснікава з-за кратаў: Зло не мае над намі сілы, мы ўсе змяніліся, і гэта назаўжды
Год таму, 13 жніўня, жанчыны па ўсёй Беларусі выйшлі на вуліцы, каб выказаць нязгоду з несправядлівасцю і гвалтам, які дазволілі сілавікі. У тыя дні тысячы людзей яшчэ не ведалі, дзе іх родныя, што з імі зрабілі. Голас жанчын змяніў рух пратэсту. Нават дзяржаўны тэлеканал АНТ дазволіў сабе адзін раз паказаць праўдзівы сюжэт пра мірныя намеры дэманстрантак. Сёння ў гэты дзень судзяць Марыю Калеснікаву. Вось што яна перадае беларусам з-за кратаў.
«Беларусь вельмі патрыярхальная краіна, і голас жанчын сапраўды быў не чутны да 2020 года. Але мы перасталі маўчаць і пакорна згаджацца з тым, што робяць з намі ўлады. Год таму разам, узяўшыся за рукі, мы ўзнялі нашы звонкія галасы над жахам і болем, якія абрынуліся на Беларусь. Мы ўбачылі, як нас шмат, якія мы розныя. Мы хацелі аднаго: каб улада нас пачула і спыніла зневажаць, абражаць і здзекавацца з нас», — кажа Марыя.
Па яе словах, самым складаным за гэты год было даведацца, як шмат людзей пакутуюць:
«Тыя, хто ў турме, тыя, хто на волі, і тыя, каму давялося пакінуць Беларусь. Бо цяпер дрэнна ўсім, улада як ніколі моцна б’е па грамадстве, выпальвае самае лепшае, што ў нас ёсць, нянавісць рэжыму да свайго народу толькі расце».
Самым пазітыўным момантам Марыя называе разуменне, што беларусы — неверагодныя.
«Цяпер мы ведаем гэта дакладна. Нягледзячы на боль, страх і гвалт, мы захавалі нашы каштоўнасці. У кожным з нас так шмат дабра, святла і любові, што любое зло над намі не мае сілы».
Марыя кажа, што ўвесь час, пакуль знаходзіцца за кратамі, адчувае каласальную падтрымку:
«Тое, што мы перажылі, нас вельмі змяніла. Мы як народ выкрышталізавалі нашы каштоўнасці: пачуццё ўласнай годнасці, самапавагі, дабро і любоў. Мы ўсе змяніліся, і гэта назаўжды».
-
У Беларусі забаранілі кітайскія тэлефоны. Норма ўтрымання свінцу ў іх была перавышана ў 330 разоў
-
Паглядзіце, які мілы сабака працуе на памежным пераходзе з Латвіяй ФОТАФАКТ
-
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары