Белапанаўцаў падазраюць у нясплаце падаткаў. А затрымлівалі нібыта за беспарадкі
18 ліпеня сілавікі затрымалі былога дырэктара БелаПАН Дзмітрыя Наважылава, рэдактарку Ірыну Леўшыну і бухгалтарку Кацярыну Боеву. СК заяўляў, што дзейнічае ў межах крымінальнай справы аб масавых беспарадках. Аднак цяпер следчыя заяўляюць, што выявілі нясплату падаткаў — звыш за 100 тысяч рублёў.
Дадалі яшчэ аднаго фігуранта — былога супрацоўніка кампаніі Андрэя Аляксандрава, які па іншых абвінавачваннях ужо паўгода знаходзіцца ў СІЗА.
Паводле СК, праверка паказала, што кіраўнікі БелаПАН у перыяд з 2018 па студзень 2021 года падавалі ілжывыя сведчанні аб падатках, што пацягнула нясплату ў бюджэт звыш 100 тысяч рублёў. Крымінальная справа заведзеная па ч.2 арт. 243 КК (караецца «хіміяй» да 5 год або калоніяй ад 3 да 7 год).
Затрыманыя белапанаўцы прызнаныя палітвязнямі.
Каментары