9 верасня суд Жлобінскага раёна разгледзеў крымінальную справу ў дачыненні да Арцёма Барашкі па абразе службовай асобы (арт. 369 КК РБ). Пацярпелы — супрацоўнік ДАІ з Ганцавічаў Ігар Вольніч, паведамляюць праваабаронцы.
Згодна з матэрыяламі следства, Барашка ў «Аднакласніках» з дапамогай мабільнага тэлефона змясціў пад фота каментар абразлівага зместу. На фотаздымку, які ў свой час нарабіў шмат шуму ў інтэрнэце, міліцыянт каленам стаіць на шыі аднаго з пратэстоўцаў. Падзеі адбыліся 12 ліпеня 2020 года ў Ганцавічах падчас адной з акцый.
Барашка прызнаў віну. У судзе паведаміў, што каментароў пад здымкам было шмат, але ён не лічыў іх.
У выніку суддзя Ігар Змушко вынес прысуд: тры гады хатняй хіміі) і 1500 рублёў матэрыяльнай кампенсацыі маральнай шкоды.
Раней за аналагічную абразу жыхар Жлобіна Мікалай Лёгкі быў пакараны двума гадамі звычайнай хіміі.
Каментары