Сусветную федэрацыю хакея можа ўзначаліць кандыдат ад Беларусі. Выбары — у суботу
25 верасня ў Санкт-Пецярбургу пройдзе чарговы кангрэс Сусветнай федэрацыі хакея (IIHF). На ім будзе абраны новы кіраўнік. Рэнэ Фазэль, што кіраваў арганізацыяй з 1994 года, пакідае пасаду.
За крэсла старшыні пазмагаюцца пяць кандыдатаў, сярод якіх ёсць і прадстаўнік Беларусі — Сяргей Ганчароў.
Сяргей Ганчароў — намеснік старшыні Федэрацыі хакея Беларусі. У нашу краіну прыехаў у 2007 годзе на запрашэнне тагачаснага старшыні ФХБ, міністра ўнутраных спраў Уладзіміра Навумава.
Менавіта Ганчароў дабіўся, што чэмпіянат свету па хакеі ў 2014 годзе аддалі Беларусі. Паспрыяў ён і перамозе сумеснай заяўцы з Латвіяй на ЧС-2021. Вось толькі пазней першынство ў Беларусі з-за вядомых прычын забралі.
На мінулым тыдні Ганчароў, прэзентуючы сваю праграму, прапанаваў, напрыклад, павялічыць колькасць удзельнікаў чэмпіянату свету з 16 да 24 і змяніць фармат турніру. Напрыклад, праводзіць яго раз на два гады, а не штогод.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары